مقارنــــة جامــــدة جداااااااا بين الولد والبنت 2010 ‏

النهاردة بقدم شىء جديد جدا جدا جداااااااااا
وهو مقارنة بين الولد والبنت بس فى اطار مختلف تماما
وتعالوا نشوف ونحكم

هنبدأ من أول الرأس .....!!

*** البنت ***

الأدوات المستعملة

1. اغلى انواع الشامبوهات
2.أغلى وانقى انواع الكريمات والزيوت
3الصبغة وميه أكسجين وميه نار بشكل شبه دائم
4.البكر او السيشوار او المكوه او ما شابه ذلك
5. 60 نوع من الكابات والطواقى البناتى
6.لو محجبة يبقى حوالى50 طرحة بمختلف الاشكال والالوان
7.حوالى 90 دبوس لربط التحجيبة بالشكل المطلوب
8. 90 توكه بمختلف الاشكل اللى على شكل دبدوبه واللى على شكل ارنوبه واللى واللى....
9. 15 مرايا فى البيت عشان تشوف راسها من 15 زاوية مختلفة

*** الولد ***

1. صابونه البيت اللى الكل بيستخدمها
2. ازازه جيل بجنيه و ربع
3. علبه كريم شعر ودى بتيجى للمناسبات وهتلاقى سعرها لا يتجاوز ال 10 جنيهات
4. كاب شيكاغو بولز او نايك ولو فى ايس كاب يبقى رضى من عند ربنا

الوجه

*** البنت ***

1. كريمات وماسكات وخيارات وطمطمات ههههههه
2.ايلاينار
3.ايشادو
4.ريميه
5.مسكرة
6.بودرة
7.عدسات لاصقة اصفر واخضر واحمر وشفافه
8. 26 قلم روج جميع الالوان (وهى الالوان 26 !! ) درجات بقى الله
9.كحل بالقلم بتاعه
10.رموش فى بعض الحالات
11.حلق فى ودنها قطره حوالى 25 سم
12.تحط حسنة فى المكان اللى هى عاوزاه ( سبحان الله )
13.فص فى احدى جوانب الأنف
14.كريمات تفتيح البشرة
15.اشياء تانية صعب ذكرها ( عيب شوية يعنى )

*** الولد ***

1. ماكينة الحلاقة
2.فرشة الحلاقة
3.كريم الحلاقة
4.الشابة
5.الكولونيا

دا كله طبعا لحلاقه الذقن دا ان كان مش بياخدها عند الحلاق

الرقبة

*** البنت ***

1. مجموعة سلاسل من كل الاصناف والانواع
2.منهم سلسلة عليها حرف اسمها
3.سلسلة عليها حرف اسمها حبيبها او خطيبها او اى حد والسلام
4.سلسلة فيها قرن فلفل
5.سلسلة فيها كام لعبة كده يجوا بالف جنية
6.سلسلة فيها خرزة زرقا
7. سلسله تلاقيها واصله لحد ركبتها كده مش عارف دى بالظبط بس شكلها بتقول انها سلسله
.وطبعا مش بتلبسهم كلهم على بعض

*** الولد ***

1. سلسلة جلد فيها جمجمة
2.سلسلة جلد فيها حرف العين ( بتاع عمرو دياب فى اكتر واحد بيحبك )
3.سلسلة فيها حرف اسمه بس المونيا
4.سلسلة فضة مفهاش حاجة
5.سلسلة فضة فيها حرفه وحرف البت بتاعته

وغالبا ما بيكون لابس السلسه الفضه اللى مفهاش حاجه

الملابس

*** البنت ***

1. بادى تمنه حوالى 250 جنيه
2.فوقيه جاكيت تمنهة حوالى 1500 جنية
3.بنطلون تمنة حوالى 400 جنيه
4.حزام ع الوسط ملهوش لازمه
انا اعرف ان الحزام فايدته فى لبسه انه بيمسك البنطلون علشان ميوقعش دا ليه مش عارف
5. شوز كعبه طوله متر وربع
يا اما كوتشى اسبترين عليه الوان الدنيا والاخره وقلوب ودباديب
6. شراب فيليه بحوالى 50 جنية
7. جيبه طولها 11 سم ومفتوحة من ورا كمان وتحتها شراب فيليه على البوت اللى طوله متر ونص
8.جاكيت ع الكمر هو ده فايدته
9.بادى ع الكمر ( يعينى الكمر ده بيتعب اوى والله )
10.فورير جلد تعلب ومش هقول تمنة عشان منحرقش دمنا
11.جاكيت طويل اوى اوى لحد اخر القدم وممكن يبقى على شورت من تحت

*** الولد ***

1. قميص شكله شيك من الوكالة بـ 25 جنيه
2.بنطلون باله ب 30 جنيه ساقط من ورا والبوكسر باين
3.بادى عليه صورة باتيستا او جلود بيرج
4.حزام فيه توكه وزنها حوالى 2 كيلو مع الرأفة
5.شراب فردة وفردة
6.
شوز سفتى لو فصلوها هدوم تلبسه لمدة عشرين سنة قدام
7.جاكت بزعبوط ويلبسه فى الصيف
8.يفتح خمس زراير من القميص ويقفل واحد بس
9.فانلة داخليه بالوان غريبة

الاكسسوارات

*** البنت ***

1. تاتو على الدراع
2.خاتم بفص لولى
3.انسيال ب 300 شكل ونوع ولون
4.خواتم باغ او زجاج باحجام للديناصورات فقط
5.اصغر موبايل فى العالم
6.ارق نغمات فى العالم
7.شنطة يد تقريبا كل يوم وحدة جديدة
8.ومحتويات الشنطة دى عبارة عن فلوس وموبايل ومكياج ومناديل و ... ( عيب بقى كفاية )
9.اجود انواع البرفانات تو وان تو
10. النضارة اللى واكلة نص وشها ( على راى محمد هنيدى

*** الولد ***

1. انسيال فضة فى ايدة
2.دبلة فضة بتاعة ( المدام ) اللى هى الموزّة بتاعته جابتهالة هدية
3.خاتم فى الصوباع الصغير بفص زجاج
4.مفتاحين متعلقين فى 4 كيلو جنزير
5.موبايل صينى ونغمات لليثى وشفيقة والدنيا خربانه والمولد الجديد
6.علبه السجاير الميتل والولاعة او الكبريت ( وطبعا السجاير لازم يكون فيها سجاير محشية )
7.الكوفية اللى بيلبسها فى الصيف ( سبحان الله بردو
8. نظاره من الموقف ب 7 جنيه تقريبا
وبكده نكون انتهينا ونقابلكم فى نيولوك جديد :D

ههههههههههههههههههههههه ...
حقيقي ضحكت جدااااا من التعليق ده .
وطبعا النماذج دي موجوده فعلا وكتير كمان بس طبعا مش كل الشباب كده سواء شاب او بنت..
موضوع جميل جدا ياملكــــه .. تسلمي.
في انتظار جديدك بشغف...

هههههههههههههههههههههه

والله انتى يا ملكة جميلة اوى موضوعك جميل اووى بجد

ههههههههههههههههههههههههه
شكرا يا ملكه على الموضوع الجميل ده والى الامام دائما

ربنا يخليكو لية يا رب ومنحرمش من رودودكم العسل دى