مقارنه بسيطه بين (الطفل الفافي)و(الطفل البيئه )...!!!

دي مقارنه بسيطه بين (الطفل الفافي) ... و(الطفل البيئه )
__________________________________
______
===============
(الطفل الفافي) و (الهافلايف )
===============

1-الولد من دول يصحى على صوت الكناري اللي في اوضته ....
- سو سو سو سو .... -
_________

2-يدخل الحمام ياخد شاور .... ويغسل شعره بشامبو من ايطاليا .... ويحط
جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -
_________
3- يطلع من الحمام يلاقي الداده مستنياه بفوطه من حريييييير .... وتلاعبه
وتهزر معاه بالانجليزي ....
- الداده معاها دكتوراه من جامعة اسفخص في لندن -
_________
4-يخش على اوضته ... ويفتح الدولاب ويطلع منه هدومه المكويه واللي ريحة
اريال باينه فيها .....
- اريال .... نسيم الصباح -
__________
5- يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -
__________
6- ينزل يفطر مع مامي ودادي ... والفطار كورن فليكس بطعم الستروبوري او
الشوكولات ....
- كورن فيليكس كلووقز .. مش بسكو مصر -
__________
7- يسلم على مامي ويبوسها بعد ماتكون حطتله ديناربوكس بتاعه وفيه ....
ساندوتشين اتشكن ناجتس و كيس شيبسي و عصير جهينه او ايزي موزوو
- ايزي مووزو فاكرين الاعلان ده ؟؟؟ -
__________
8- يسلم على دادي اللي يديله البوكيت موني بالدولار ..... مش يعرفو حاجه
اسمها جنيه طبعا
- جنيه ؟؟؟؟ دي عملة انكردت من زمااان -
__________
9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -
__________
10- يركب الباس بتاع السكول .... ويشاور (باي باي) للداده ولمامي ...
ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

=========
الطفل البييييئه :
=========

1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -
__________

2- العيال دي ماتعرفش اختراع اسمه (غسيل الوش بعد ما تقوم من
النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -
__________

3- طبعا بعد الخناق ده بيبقى جعان ... تلاقيه بيحوم في الشقه ويدوّر في
المطبخ على اي حاجه ..... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -
__________

4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير البنطلون
بتاعه وهو نايم ...
- هدومه كلها مكرمشه ... تقولوش طالعه من بق كلب -
__________

5- طب وبعدين .... ساعتين بيدور على الجزمه ... مش عارف رزعها فين ...
واخوه الكبير خارج من البيت حافي كمان عشان مايقولش انه خدها ... افتكر
اخيرا انه حاطط فرده منهم فوق الدولاب .... والتانيه ... تحت التلاجه
- طبعا ما يعرفش اختراع اسمه الشرابات -
__________

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -
__________

7- الباشمهندس الصغير .... مايعرفش فين كتبه ولا كشاكيله اصلا .... عشان
كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -
__________

8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
- ليااااااااااااااااااااااااااااقة -
__________

==============
في طابور المدرسه ....
==============

الطفل الفافي (الهاف لايف) :

1- العيال كلهم واقفين في صفوف شكلها يفرح .. ده غير ريحتهم اللي زي
الفل
- نضافه رباااااااااني -
__________

2- الطابور كله تمارين ونشاط ....
- على انغام الدي جي (مايكل جاكسون) -

__________

3- الاذاعه المدرسيه .... اخبار من مجلات (واشنطون بوست)
- وطبعا .... مافيش ترجمه -

__________

4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -

__________

5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

==========
الطفل البيئه :
==========

1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -
__________
2- بعد التذنيب والشتيمه من مدرس الألعاب (حسن أبو شفه) ... انضم لباقي
زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك
فيهم -
__________

3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -
__________

4- النشيد الوطني اللي هم بيقولوه .... بتاع دوله مجهوله ... ونفسي
اعرف ايه هي؟؟؟
- طبعا على موسيقا آلات النفخ .... الشيشه -
__________

5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -

========================================
بعد المدرسه ما تخلص ... بيرجعو على بيوتهم بنفس الاسلوب .... ونشوف
يومهم عامل ازاي دلوقتي
========================================

الطفل الفافي (الهاف لايف) :
__________

1- يرجع من السكول تكون الداده في استقباله ... وتشيل منه الشنطه ...
ويغسل وشه ويغير هدومه
- والله العظيم ... وشه انضف من ما كان طالع الصبح أصلا -
__________

2- بعد ما اتشطف .... وإتصبّن - الكلمه دي متعوب عليها على فكره - يقعد
يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

__________

3- هاني ... دينر از ريدي
- السيييم بتاعهم لما يجهز الغدا -

__________
4- بعد الغدا ... يشرب كبايه (اورانج جووس) وينام ساعه عشان يعرف يذاكر
ويحل الهوم وورك

==========
الطفل البييئه : ! !
==========

1- أخينا رجع من المعتقل ... او المدرسه زي مابيقولو عليها ... وهدومه
كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -
__________

2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -

__________

3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -
__________

4- بعد اكلة الفول بالصلصه ومعاه فحلين بصل ... عادة ما يعقبها احساس
بالضياع
- تنااااااااحه ... فور آيفير -

===========================================
بعد حالة التناحه او النوم دي ... بيجي وقت الشده ... ياترى الحياه
معاهم الطفل الفافي .. والطفل البييئه - عامله ازاي ؟؟؟؟

===========================================

الطفل الفافي (الهاف لايف)
__________

1- يقوم من النوم على صوت الداده ... الهادي طبعا .. عشان يقوم يذاكر
مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -
__________

2- بعد ما يخلص المذاكره وتحضير دروس تاني يوم .... مامته تاخده النادي
عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -
__________

3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -
__________

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -
__________

5- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -

========
الطفل البيييئه :
========

1- يفوق من حالة التناحه من الفول والبصل على صوت حد من صحابه ... عشان
ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -
__________

2- يرجع بيتهم وهو بيجري وهدومه متقطعه ودماغه واخده بتاع تلاتين قلم
على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -
__________

3- اخته جابته عشان يحل الواجب ويذاكر .. بس مامعاهوش قلم ... قام نزل
الشارع عشان يجيب قلم
- آدي دقني لو جاب ولا حتى رجع من أصله -
__________

4- على الساعه 2 الفجر ... باب بيتهم بيخبط .. وامه فتحت الباب شافت
جارهم دماغه متعوره وجايب لها المحروس اللي كان بيلعب حرب بالطوب وفتح
دماغه
- تقولش طفل من أطفال الانتفاضه -
__________

5- ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة جبنه وطماطمايه ورغيف
معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل

اسف جدا انى طوولت عليكم ويارب يعجبكم.
__________
...::: eSLAm :::...

شكرا يا اسلام على المقارنه الحلوه دى

هههههههههه

موضوع رائع ومتيمز جدا يا اسلام بجد جميل

شكرا يافجــــر ,,مرورك الجميل

شكرا ياِِADMIN ,,مرورك الجميل

انا مش معاك يا اسلام فى التوبيك ده اسفه لردى بالشكل ده بس مهما كان هزار التوبيك فلازم تعرف ان كل واحد وبيئته وغلط انك تقول على حد فافى وحد تانى بيئه ولا ابن شوارع انا اسفه بس هى دى الحقيقه اننا كلنا واحد ما فيش فافى وبيئه بس الفرق فى مجال التربيه مش اكتر والبيئه المنشئه اسفه لو كان ردى مش كالعاده مرسي بس انا حبيت اقول رأى وبصراحه

اولاشكرا ليكي ياِِليالـــــــي ,,مرورك ...
ثانيا من الطبيعي ان اكتب موضوع مختلف عن ذوقك او عن المواضيع اللي تفضليها.
وزي مابيقولو( الاختلاف في الرأي لايفسد للود قضيه ).
كمان انا قصدي او رؤيتي للموضوع مش مجرد انه موضوع مضحك اوFuny.
انا كنت كتبته للسخريه من حال الزمن اللي احنا فيه وخاصتا الامور الماديه.
وكمان الجهل.. لان مش من الطبيعي يكون دي حياة طفل او سلوك طفل
بيتنشأ علي نظام حياة غلط في غلط من الالف للياء.
وكمان يا اخت ليالي ببساطه مش كل حال اسره فقيره كده بهذا السلوك....
انا اتولدت في اسرة فقيرة الحال
بس احمد ربي واشكره علي نعمة الاخلاق والعقل..اللهم لك الحمد والشكر..
اتمني اكون وضحت رؤيتي ليكي يا اخت ليالي..
تحياتي لكي ولكل اعضاء منتدانا الغالي .
_____________
لااله الا الله ... سيدنا ومولانا محمد رسول الله.

رد جميل منك يا اسلام بارك الله فيك

اوكى عموما كل واحد وله تفكيره الخاص بيه ومع احترامى ليك يا admin انا مش داخله المنتدى ده تانى
وشكرا اوى

اكيد كل منا لية اراءة وتفكيرة الذى يختلف عن الاخرين فاراء مثلا اسلام مختلف معا رايك ولكن هذا ليس معناه انكى اراءك خطاء

بل الخطاء اختى انكى تغضبى لمجرد انى اؤيد اخى اسلام في راية فاهيها في الاخر مجرد اراء وافكار اختى وفي العموما اعرف جيدا انكى لا تقدرى ان تفارقى منتداكى لانة في الاساس ليس منتدايا انا فقط بل هذا المنتدى ملك لكل عضو متميز فية

السلام عليكم

?!!!......no comeint

ليالى السهر كتب:: اوكى عموما كل واحد وله تفكيره الخاص بيه ومع احترامى ليك يا admin انا مش داخله المنتدى ده تانى
وشكرا اوى

انا بدخل المنتدى من فترة الي فترة تانية يمكن في وقت كبير بسعايزة اقوللك علي حاجة يا ليالي انا لاحظت انك عضو اساسي في المنتدى هنا يمكن كنت اخش ادور علي مواضيعك انتى خصوصا

انا مش عايزاكى تزعلى الموضوع صغير بس اكيد كانت فية حاجة مضايقاكى وخلاكى تقولى كدة انا هزعل بجد لو مادخلتيش المنتدى الموضوع بسيط بس انتى مكبرااة يا ليالي المنتدى

يا ليالى معلش ما تزعليش من حاجه
طيب يعنى دلوقتى لما انتى ما تدخليش المنتدى تانى مين حيجيبلنا واصفات الاكلات الجميله بتاعتك ولا مين حيجيبلنا عروض شركه ايفون ههههههههههههههه
ياريت ترجعى المنتدى وتنزلى مواضيع تانى وماتزعليش لان انتى حلاوة المنتدى وانتى عارفه اننا اسره واحده واخوات وماينفعش الاخوات يزعلوا من بعض خالص
وبعدين الموضوع ده بتاع اسلام فكاهى يعنى ما يقصدش حد معين زى ما انتى افتكرتى هههه انا مش فاهم ايه اللى مزعلك اوى كده

ليالي السهر انا بجد هزعل لو عملتى كدة انتى بتتكلمى ازاى شوفى كام واحد قالك ارجعى بس بينى وبينك انا لو منك اتقل ههههههه

بس انا بهظر بجد واحشتنينا

انا فرحانه اوى انكم بتحبونى بس انا عاوزه اقولكم انى بجد بحبكم اوى كلكم زى اخواتى بالضبط وعلشان خاطر الادمين طبعا وفجر وسمسمه وملكه انا هدخل المنتدى علشان خاطركم وانا اللى اسفه انى اتكلمت بعصبيه المره اللى فاتت

» حلقه كامله عن تغذيه الطفل