منتدى فهمى اون لاين


 
الرئيسيةمكتبة الصورس .و .جبحـثالتسجيلالمجموعاتدخول

شاطر | 
 

 نكت جامده جدا ارجو التثبيت

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الساحر العاشق
عضو ابتدي يشتغل
عضو ابتدي يشتغل
avatar

ذكر
عدد الرسائل : 69
العمر : 29
تاريخ التسجيل : 25/03/2008

مُساهمةموضوع: نكت جامده جدا ارجو التثبيت   السبت 24 مايو 2008, 3:22 pm

واحد بلديتنا حب يعمل ارهابى.. خطف ابنه.. محدش سأل عليه قتله


---------------------------------

واحد أعمى فتّح ... من الفرحة اتشل

-------------------------------

مره واحد صعيدى حلم انه بيحفر فى بير غويييييط.. صحى لقى ايده فى مناخيره

-------------------------------

واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...

وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...

وبعد ساعة رجع له تانى وسأله اللواء "فريد" جه؟ قال له لسه ما جاش...

وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك كككككككك

------------------------------

واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت

------------------------------

مره واحد بيقول لواحد صاحبه: اسكت مش انا حماتى ماتت امبارح... قاله لا حول الله يا رب... ماتت ازاى الست دى؟

قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى...

قاله لأ.. ماهى ماوقعتش على الارض... قاله امال ماتت ازاى؟

قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...

قاله لأ يا عم.. ماهى الكهرباء كانت مقطوعه... قاله امال ماتت ازاى بس؟

قاله اصل السلك نطرها في حمام السباحه... قاله لا اله الا الله ماتت غرقانه...

قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟

قاله ما انا لما ما لقيتش فايدة رحت خانقها بالإيشارب

----------------------------------

مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!!
لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب...
الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها

----------------------------------

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها


مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع




واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة


ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...

- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم

-طيب لو خمسه؟؟؟؟؟؟
قالها: هادخل عليهم بالسلاح الأبيض

-طيب لو اربع دبابات... و عشر عساكر... وطيارتين؟




قالها جرى ايه يا وليه هو مفيش حد بيحارب غيرى وللا إيه؟؟؟



واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو



واحد سنانه كلها طايرة ما عدا الانياب... قدم علي وظيفة عينوه خرامة



مرة صرصار كان ميت علي نفسه م الضحك .. ليه؟ علشان كان بيجري وراه واحد احول...



صعيدي وقفت علي وشه دبانة... بيهشها... قالت له حتي انت يا معفن!!!!!



واحد صعيدي نزل يتمشي.. جابوه من ع الحدود



واحد اسود اتجوز واحدة سودة زيه.. جابوا ولد ابيض.. سموه مش ممكن



فرخة اتجوزت فيل... جابوا تشيكن فيليه



مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب



صعيدي اشتري كمبيوتر... شال ال mouse وحط جاموسة



واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟




بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!

قاله متأكد انك بتطلع المعلقة من الكوباية بعد ما تقلب؟؟؟؟؟



بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد


واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك

كان فيه خمسة صعايدة سموا نفسهم الشجعان التلاتة



واحد أحول بيتفرج علي فيلم عاطفي... (بدل ما يدمع ريل).......... (بعد ما ريل.. الريالة طلعت علي ودن
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البطل المهزوم
`·.¸¸.·´´¯`··._.· ( الـــــمديــر الـــعام ) `·.¸¸.·´´¯`··._.·
`·.¸¸.·´´¯`··._.· ( الـــــمديــر الـــعام  ) `·.¸¸.·´´¯`··._.·
avatar

ذكر
عدد الرسائل : 1762
العمر : 29
العمل/الترفيه : يمكن اكون شاعر حلو
وسامى :
نشـاط العـضـو :
تاريخ التسجيل : 09/12/2007

مُساهمةموضوع: رد: نكت جامده جدا ارجو التثبيت   السبت 24 مايو 2008, 6:09 pm

نكت جميله
وتم التثبيت
بواسطتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eslamelmetwally
عضو ابتدي يشتغل
عضو ابتدي يشتغل
avatar

ذكر
عدد الرسائل : 65
العمر : 37
العمل/الترفيه : operator
تاريخ التسجيل : 09/12/2007

مُساهمةموضوع: رد: نكت جامده جدا ارجو التثبيت   الأحد 25 مايو 2008, 5:59 pm

شكرا شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
°¨¨™¤¦ محمد فهمى ¦¤™¨¨°
°¨¨™¤¦ محمد فهمى ¦¤™¨¨°
avatar

ذكر
عدد الرسائل : 1911
العمر : 29
الموقع : http://fahmy.ahlamontada.com
العمل/الترفيه : بحب الكورة اووى
وسامى :
تاريخ التسجيل : 08/12/2007

مُساهمةموضوع: رد: نكت جامده جدا ارجو التثبيت   الإثنين 26 مايو 2008, 3:51 pm

مجهود اكثر من رااائع

___________________________________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fahmy.ahlamontada.com
***~T~e~K~o~***
لسة صغيور
لسة صغيور
avatar

ذكر
عدد الرسائل : 19
العمر : 30
تاريخ التسجيل : 20/11/2008

مُساهمةموضوع: رد: نكت جامده جدا ارجو التثبيت   الخميس 27 نوفمبر 2008, 10:20 pm

مشكور ايها الساحر على هذا الوقت المرح
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
نكت جامده جدا ارجو التثبيت
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فهمى اون لاين  :: الاقسام العامة :: القسم العام-
انتقل الى: