منتدى فهمى اون لاين


 
الرئيسيةمكتبة الصورس .و .جبحـثالتسجيلالمجموعاتدخول

شاطر | 
 

 حماده عزو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صوت الحب
عضو شغاااال
عضو شغاااال
avatar

ذكر
عدد الرسائل : 130
العمر : 29
تاريخ التسجيل : 15/04/2008

مُساهمةموضوع: حماده عزو   الإثنين 19 مايو 2008, 9:53 am


مشهد في المسلسل
"حمادة" / "يحيى الفخراني" نائم على سريره الوثير في سعادة وراحة بال منقطعة النظير، تقترب عقارب الساعة في المنبه المجاور من الواحدة ظهرا، فتدخل ماما "نونا" لتوقظ ابنها حبيبها الصغير الكبير..
"اصحي يا بيضا.. اصحي يا قطة.. اصحي يا طعمة"!

يتمطع "حمادة" في سريره ثم يبتسم في فرحة من أحرز هدفا في نهائي كأس العالم لوالدته التي تدلله، تذهب ماما " نونا" لتحضر له "الحمّام" فيستكمل نومه من جديد!

***
نونّة على الحجر ماما تهزه
الناس يتغاظوا ما يتغاظوا
على سنانهم جزوا ولا يهزه
***

مشهد تاني في نفس المسلسل

"نوال" بنت عمة "حمادة عزو" قوية الشخصية، تفرض على قريبها نظاما غذائيا صارما يأكل فيه بمواعيد ويقاطع الحلويات والسكاكر "السكريات يعني!"، بسبب إصابته بأمراض كثيرة، وفي ظل هذا الحصار لا يجد "حمادة" أمامه ملجأ أو منفذا سواها طبعا.. ماما "نونا"..

بعد توسلات واستعطافات -مش كتيرة قوي يعني- تصطحبه ماما "نونا" إلى المطبخ لتعد له بنفسها طبق "سد الحنك" الذي يحبه ويهواه كعشق "قيس" لـ"ليلى"!، "يلهط" "حمادة" أول ملعقة من الطبق المليء بالسكر الذي هو حصيلة إنتاج فدان كامل من "البنجر" حتى تحدث المفاجأة.. تاتاتا.. وتظهر "نوال" القوية في المطبخ.. مش هنكمل المشهد.. أكيد إنت شفته ولو ماشفتهوش مش مشكلة احنا عاوزين الشوية اللي فاتوا بس!

***
انجغة انجغة يا كلبوظة
يا صغنن يا ابن المحظوظة
مع نفسه دماغه مهوية
ولا حاجة في الدنيا تستفزه
يتربى في عزو

***

مشهد تالت بس مش في نفس المسلسل

"حمادة" أي "حمادة" وقد بلغ من العمر عتيه "يعني بتاع 18.. 20.. 28 سنة"، قد أكل و"لغ" طبق "مهلبية" ضخما وكبيرا وهو جالس أمام التليفزيون بجوار والدته التي تقوم متجهة للمطبخ فيمد لها "حمادة" يده بطبقه الخاوي على عروشه، تتناوله الأم في بساطة متجهة نحو المطبخ لتغسله مع إخوته -الطبق مش "حمادة"!-، وهي تمر بجوار التليفزيون يقول لها المحروس، "حمادة يعني":
لو سمحتِ يا ماما غيري المحطة واقلبي على مودرن سبورت.. بصراحة مكسل أضغط على الريموت!

تضحك الأم وهي تنفذ ما طلب ثم تسأله في اهتمام:
أجيب لك تاكل تاني؟

يهز "حمادة" رأسه يمينا ويسارا بمعنى أن "لا" فتبادره بالقول:
طب مش هتيجي بقى عشان أحميك.. بقالي 3 شهور و12 يوم ماحطتش المية على جسمك!

يتمطع "حمادة" في جلسته وهو يقول في دلع يليق به كـ"حمادة":
يوه يا ماما.. طب شهر كده ولا اتنين أصل إنت بتستخدمي ليفة خشنة قوي.. شوية كده.. لما تنزلي الشارع ابقي اشتري ليفة ناعمة.. جسمي بيقشعر أصلي!

***
يا سلام ع الرجالة الجدعة
في مشاكله ماما تتصدر له
مش ناقص غير ياخد الرضعة
وينادي لماما تغير له

***

مشهد رابع وبرضه مش في نفس المسلسل
"حمادة" "أي "حمادة" وقد بلغ من العمر عتيه "يعني بتاع 18.. 20.. 28.. 45 سنة" وقد أتى إلى والدته شاكيا باكيا:
ماما.. مش عارف أعمل إيه يا ماما.. فاكرة لما العيال الرخمة في المدرسة كانوا بياخدوا مني الساندويتشات في الفسحة وياكلوها هم.. بيعملوا معايا كده في الشغل.. سخافات ومقالب عند المدير ودايما يقولوا لي دلوقت تعيط وتروح تشتكي لمامتك.. لو راجل اقف قصادنا.. بقى أنا.. إهئ إهئ.. باجي.. إهئ إهئ.. أعيط لك يا ماما.. إهئ إهئ.. أنا باعيط أنا!

الأم: ولا يهمك يا حبيبي.. من بكرة تقدم استقالتك وأفتح لك محل فيديو جيمز تقعد فيه طول النهار.. أهو منك تلعب ومنك تشتغل برضه.. ماشي يا روحي!

***
ننوس عين مامته
الحيلة بسلامته
اتمختر تاتا بألاطة
يا حمادة
هيقوموا حسادك ويفزوا
يتربى في عزو
***


ما بين المشاهد الأربعة اللي فاتوا دول واضح جدا إن العامل المشترك هو..
"حمادة" و"مامته"..
"حمادة".. اللي عامل زي "الكائنات الطفيلية" بياكل وبيشرب وبيلعب وبيتحرك وبيتجوز وبيعيش بشكل أساسي معتمدا على "مامته".. اللي لو بعد عنها وعن تأثيرها.. ممكن يتفتت لألف حتة وحتة وماحدش هيقدر يجمعه على بعضه.
والماما "نونا".. اللي راضية وموافقة وسعيدة ومبسوطة بكون إن ابنها مايقدرش يبعد عنها ولو لحظة واحدة وإلا ممكن تيجي له صدمة نفسية عصبية ولن تقوم له قومة بعدها..

علاقة غريبة وممكن نقول.. شاذة..


مافيش حد طبعا يقدر يمنع أم من إنها تحب ابنها أو تخاف أو تحافظ عليه..
ومافيش حد برضه يقدر يتحفظ على أن يتعلق الابن بأمه أو بكل أفراد أسرته..

لكن التحفظ بيكون موجود لما تصبح هذه العلاقة..
مرضية..
وبتكون نتائجها كارثية..

لأن شخصية "حمادة" هنا بتكبر وهو مش بيعرف يعمل أي حاجة في حياته لوحده.. ماعندهوش أي تحمل للمسئولية.. ولا أي قدرة على اتخاذ القرار..
باختصار الراجل هنا بيتحول لـ"حمادة" فعلا!
والموضوع مش بيقتصر على الشخصية وبس..
الموضوع بيكبر للمجتمعات..

فتلاقي فيه شعوب "حمادة" ودول "حمادة" ومجتمعات "حمادة"!
ودول ماعندهمش أي قدرة على اتخاذ القرار وتحديد المصير..
مستنيين الفرج دايما مش بيسعوا إليه..
منتظرين إن ماما "نونا" -سواء كانت حكومات أو مؤسسات محلية أو دولية- هي اللي تقدم لهم الرضعة!


السؤال بقى:
يا ترى يا هل ترى
كنت في يوم من الأيام "حمادة عزو"؟

وكان نتيجة ده إيه؟
وعرفت تتخلص من الحالة دي ازاي؟

وتفتكر كمان إيه السبب
في وجود "حمادات عزوات" عندنا؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
صوت الحب
عضو شغاااال
عضو شغاااال
avatar

ذكر
عدد الرسائل : 130
العمر : 29
تاريخ التسجيل : 15/04/2008

مُساهمةموضوع: رد: حماده عزو   الإثنين 19 مايو 2008, 10:03 am

يا رب تردو وردود تكون كتير كتير حتى لو كلمه مشكور
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
°¨¨™¤¦ محمد فهمى ¦¤™¨¨°
°¨¨™¤¦ محمد فهمى ¦¤™¨¨°
avatar

ذكر
عدد الرسائل : 1911
العمر : 30
الموقع : http://fahmy.ahlamontada.com
العمل/الترفيه : بحب الكورة اووى
وسامى :
تاريخ التسجيل : 08/12/2007

مُساهمةموضوع: رد: حماده عزو   الإثنين 19 مايو 2008, 1:06 pm

اولا موضوع شيق وجميل

ثانيا حمادة عزو مرحلة اذا تمادت فيها اي ام ستصبح علي عاتق ابنها

من
عدم مسئولية

استهتار

عدم مبالاة

ودلع

واشياء اخري

واكثرها
افتدقادة للحكمة

وسبب ان هناك حمااادات عزو ليس مجرد

انها حنان زائد عند الام

وللاسف جهلها باسليب التربية

وشكرا ليك واتمنى منك المزيد دومااااااا

___________________________________________





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://fahmy.ahlamontada.com
محمدعصفور
مشرف عطلان
مشرف عطلان
avatar

ذكر
عدد الرسائل : 57
العمر : 22
تاريخ التسجيل : 29/03/2008

مُساهمةموضوع: رد: حماده عزو   الإثنين 19 مايو 2008, 7:09 pm

جميل جدآ صوت الحب شكرآ على الموضوع الشيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
البطل المهزوم
`·.¸¸.·´´¯`··._.· ( الـــــمديــر الـــعام ) `·.¸¸.·´´¯`··._.·
`·.¸¸.·´´¯`··._.· ( الـــــمديــر الـــعام  ) `·.¸¸.·´´¯`··._.·
avatar

ذكر
عدد الرسائل : 1762
العمر : 29
العمل/الترفيه : يمكن اكون شاعر حلو
وسامى :
نشـاط العـضـو :
تاريخ التسجيل : 09/12/2007

مُساهمةموضوع: رد: حماده عزو   الإثنين 19 مايو 2008, 9:07 pm

جامد كيييييييييييييييييييييييك :lol:
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ملكة بكبريائي
مشرف ماسك المنتدى كلة
مشرف ماسك المنتدى كلة
avatar

عدد الرسائل : 714
وسامى :
تاريخ التسجيل : 30/12/2007

مُساهمةموضوع: رد: حماده عزو   الأربعاء 28 مايو 2008, 1:46 am

شكرا صوت الحب ونريد المزيد دائما

___________________________________________






الحـــياة لحظة.... والموت لحظة....ومابينهما ممكن ان يمر بلحظة[/b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
حنين المحرومين
عضو الابداع هدفة
عضو الابداع هدفة
avatar

انثى
عدد الرسائل : 317
العمر : 31
علم بلدى :
نشـاط العـضـو :
تاريخ التسجيل : 08/06/2008

مُساهمةموضوع: رد: حماده عزو   الإثنين 09 يونيو 2008, 1:39 am

يسلمو

يعطيك الف عافية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
حماده عزو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى فهمى اون لاين  :: الاقسام العامة :: القسم العام-
انتقل الى: