امتحان الجنسيه

امتحان السفارة المصرية للحصول عل الجنسية

صباح الفل حبايبي الأعزاء*

يشترط لدخول الامتحان ان المتقدم يكون معاه كل ادواته اللازمه ل
قلم رصاص – أستيكة (تحسباً للأخطاء الكتيرة)) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية ) - أي حاجة

مع مراعاة عدم كتابة اسمك عليها

وفي حالة لو احتجت لورقة اجابة زيادة اطلب من المشرف ( ماهي مش فارقه هتنجح هتنجح )0

السؤال الأول: اختار من بين الأقواس الكلامالصح :
_حنان ترك اتحجبت يعني.......... (لبست جزمه - لبست ساعة - لبست ايشارب )
_اللي بنى هرم خوفو.............
(طلعت مصطفى - المقاولون العرب - مقاول أنفار – خوفو)
- اللي بنى مصر كان في الأصل......(نجار - تاجر مخدرات - صلاح – حلواني - حلاق )

ــــــــــــــــــــــــــــــــــــــــــــــــــــــــــــــــــ
البرنامج اللي بيجي على القناة الأولى كل يوم الساعة 7.00 صباحاً ومحدش بيتفرج عليه برنامج صباح الخير............. (يا ماما- يابابا – ياخالو-ياريس- يامصر)
!بص في ورقتك يا حيواااان *
_مصر هى أمي نيلها جوا........... ( بطني - رجلي - جيبي - دمي -عبى)

_ رئيس مصر القادم السيد......(جمال مبارك – جمال مبارك- و حياة أمك جمال مبارك - كل ما سبق)

السؤال الثاني: أكمل الجمل الآتية بكلام من الآخر:
انتبه من فضلك السيارة ترجع الي 000000_
ماما زمنها0000000_
من خلال تجاربك السابقة...البامبرز استيك منه 00000 _
اسم والد اللاعب وائل جمعة الحــــاج 0000 _

_ و لو بتشجع أي فرقة من الفرق الأجنبية 'ريال مدريد ولا برشلونة ' وحياة أمك ما إنت واخد أم الجنسية

السؤال الثالث:ضع علامة صح أو علامة غلط أمام الكلام الجاي :

قوله عمو 0 بابا فين؟؟ .بابا هنا..قوله مين؟؟ ( )

الشرطة دائما في خدمة الشعب 0 ( )
أذان المغرب في رمضان بصوت طارق نور0 ( )
نور !! صح يا أهبل ، كل حاجة في رمضان بصوت طارق*
شاي الجوهرة حته سكره0 ( )
يحكم مصر النظام الملكي0 ( )

.

مع تمنياتنا بالتوفيق والنجاح ،،،

هههههههههههههه

راااائع اخى

علي فكرة المفروض تحط فوق علي بداية الامتحان الجنسية مصرية

لان المصرين هما اللي هيفهما الكلام دة بسرعة

رائع اخى ونتمنى من منك المزيد

» الحق تسريب امتحان الثانوية العامة